وصفات رائعة

موضوع: وصفات رائعة الجمعة يونيو 15, 2012 11:13 pm

فولات الحولى
فولات الحولى - معلقة صغيرة السمن
ملعقتان من زيت الرومية - معلقة كبيرة معدنوس - ملح - ابزار
قطعى الفولات طريفات ورقديهم فى التوابل وقليهم فى الزيت

طاجين اللحم
كيلو اللحم
2 بصلات - معلقة كبيرة الزبدة
نصف كاس الزيت العود - معلقة صغيرة سكنجبير
نصف معلقة صغيرة الابزار - بسيبسة - قاع قلة
زعفران الحر - زعفران العادى
2 عواد القرفة والما الكافى
للتزيين
رابعة البرقوق - معلقة الزبدة
كاس كبير اللوز - علبة الاناناس - 2 معالق كبار العسل - قرفة
فى طنجرة عملى اللحم والزبدة والتوابل ونصف كاس الما يتشحروا وضيفى البصلة
محكوكة وزيت العود والقرفة وخليها تشحر وضيفى الما الكافى وخليها تطيب
البرقوق صلقيه وضيفى ليه معلقة الزبدة القرفة والسكر حتى يتعسل
اللوز صلقيه وقليه
اناناس شحريه فى شوية الزبدة
حطى اللحم نزينه الانانس والبرقوق واللوز
ممكن البرقوق تزولى ليه العلف وتعمر باللوز او تعمريه بالمشماش مقسوم على 4 ومعسل

بسطيلة
دجاجة من 2 كيلو ونصف
نصف كيلو اللوز - قبطة المعدنوس
نصف كيلو البصلة - معلقة صغيرة القرفة
معلقة الابزار - معلقة سكنجبير
معلقة كبيرة مخلطة بين قاع قلة وبسيبسة
معلقة السمن - ملح - 2 ضامات الزعفران
رابعة الزبدة - زيت - 8 حتى ل 10 بيضات
نصف كيلو او كيلو الاربع الورقة
الدجاج عمليه فى طنجرة مع نصف كيلو بصلة وضامة ونصف كاس الزيت وملح يتقلى
ضيفى معدنوس مقطع وعطرية وكاس العنبة الزهر عوض الما وتسدى عليه ربع ساعة
زولى الدجاج وخلى المرقة تعقاد
طربى البيض وضيفيه على المرق وخلطى مزيان حتى يطيب
اللوز صلقيه قليه وهرمشيه وخلطى معاه شوية القرفة و3 معالق السنيدة
فرتتى الدجاج وضيفى ليه شوية القرفة
دوبى الزبدة مع نصف كاس الزيت
الوقة اللى غادى تفرقى بيها الطبقات قليهم فى الزيت
فى الصينية ديال البسطيلة فرشى الورقة عملى الدجاج وفوقه ورقة مقلية
وعمارة البيض وورقة مقلية عاد اللوز ورشى بالزهر وتجمع مزيان وتزين حسب
الرغبة
لما تطيب ترش بالعسل خيوط وترش باللوز مهرمش

الراس الغنمى
فى كوكوت عملى بصلة مقطعة مع 3 ضرووس ثوم وملح وكمونوما وقبطة قزبر
ومعدنوس حتى يطيب زولى الراس وحيدي ليه اللحم وقطعى اللحم طريفات
خدى الطاجين عملى فيه لحم الراس مع الابزار وكمونوسكنجبير وشوية الزيت
وشوية من الما ديال كوكوت والبصلة والثومة معكيها ويطيب على الفاخر ثلث
ساعة منين يقرب يطيب ضيفى شوية زيت العود

طريقة السفرجل
كيلو السفرجل نقيه وقسميه على 4 وقطعيه مربعات
فوريه فى الكسكاس
تاخدى نصف كيلو اللوز صلقيه وقليه وطحنيه
لما يفور السفرجل ضيفى ليه 3 معالق العسل وملح وشحريه مزيان وضيفى
اللوزخلطى مزيان وتعمل كويرات تفند فى اللوز وتزيينى بها الطاجين او حسب
الرغبة

[center]سلطة
4 بطاطات كبار مصلوقين بقشورهم
4 بيضات مصلوقين
معدنوس - ملح - ابزار - بصلة خضراء او البورو - مايونيز
البطاطا اللى صلقنا نقيها وقطعيها مكعبات صغيرة
البيض خدى 3 بيضات وقطعيهم والرابعة خليها للتزيين وضيفى عليهم المايونيز وباقى المقادير
خلطى الكل مزيان وخدى مول طويل فرشى فيه البلاستيك غدائى وكبى البطاطا
وخليط البيض وتغطى بالبلاستيك الغدائى وتدخل للثلاجة حتى تبرد مزيان عاد
تقلب فى طبق التقديم وزوقى بالبيضة اللى بقات والمعدنوس
سلطة
خيزو يتحك خضر وضيفى عليه كاس الزبيب ولوز محمر ومهرمش والمايونيز خلطى الكل وعمليه فى طويسات ممكن تضيفى القرفة والسنيدة
سلطة الجزر
خيزو صلقيه وصفيه
خدى مقلة وعملى فيها معدنوس وثوم مدقوق والابزار و كمون وملح وشوية فلفلة حمراء وشوية الزيت وتديه وتجيبه فى الزيت

[/center]

شوربة الدجاج بالدرة
صدور الدجاج
بصلة - جزرة - علبة الدرة
3 بيضات - 3 معالق مايزينا
صوص الصوجا
فى انية عملى الدجاج شوية الزيت والملح والابزار وعواد القرفة و 2 قرنفلات
و 3 حبات الهيل تقلى ضيفى شوية الما وقبطة القزبر ومعدنوس ومرقى وضيفى
البصلة والجزرة مقطعين وسدى عليها تطيب
لما تطيب زولي الدجاج وصفى الما
رجعى الما اللى صفيتى ودجاج تمونى فرتتيه وضيفى 4 معالق الدرة وعملى الكل على نار
3 معالق مايزينا تخلط مع الما وتدورى بها الشربة بحال الطريقة ديال الحريرة وخلطى مزيان
تاخدى بياض البيض طربيه بالفورشيط وضيفيه وخلطى
لما تطيب تقدم مع صوص الصوجا او مع الحامض
الروز باللحم تفاية
فى انية عملى نصف كاس الزيت وكمية من الروز والضوبل دياله ديال كمية
الماء وملح وعواد القرفة وقرنفل وحبات الهيل على نار هادئة حتى يتبخ
فى انية اخرى نعمل كمية اللحم وزيت العود والزيت العادية وملح والابزار
وسكنجبير وعواد القرفة وطحميرة تقلى ضيفى ليها بصلة مشلضة وسدى عليها حتى
تطيب
4 بصلات مقطعة طرانش وضيفيها على اللحم وضيفى 3 مطيشات مح****ن و 2 معالق كبار مطيشة الحك وخلى الكل يطيب
كاس الزبيب ضيفيه للخليط
الروز زولى ليه عواد القرفة والقرنفل وحبات الهيل وفرشى التفريشة 1
خدى 3 او 4 بيضات مصلوقين وحكى غير البيض وعمليه فوق الروز
وعملى التفريشة 2 تم التفريشة 3
وحطى اللحم من فوق الروز والمرقة وكاس اللوز مصلوق مقلى ومهرمش وبصلة مقلية فى الزيت من الفوق وبيضة مقطعة طريفات للتزيين

المروزية
2 كيلو لحم ملج
معلقة عطرية المروزية
ابزار - زعفران الحر - زعفران ملون - معلقة السمن
2 معالق الزبدة - نصف كاس الزيت
خلطى الكل مزيان ونطيب نصف طيبة وتضيفى ليها كاس الزبيب حمر و2 معالق
العسل الحر وخليها تطيب وضيفى التمر مصلوق نصف صلقة وخليها حتى تعسل
تحط فى طبق التقديم وتزين بالتمر من الفوق

سلطة الفواكه
بنان - التفاح - فريز - اناناس - برقوق اسود
وعصري عليهم الليمون وضيفى دانون و2 معالق عسل الحر
فى كؤوس التقديم ضيفى شوية اللوز والكركاع مهرمشين
وزيينى بطريفات الفريز للتزيين

ضلعة الريجيم
ضلعة فى طنجرة مع عريشات زعتر ووريقات سيدنا موسى وعريشات مرددوش وملح وكمون والما وخليها تطيب
لما تطيب هزى الضلعة ودخليها للفرن تحمر
فى التقديم عملى عويدات فيهم الكبدة والقلب والفرماج والزيتون الاخضر ونبتى بهم الضلعة

بارك الله فيك خيتو

موضوع: رد: وصفات رائعة السبت نوفمبر 24, 2012 4:46 pm

يااااااااامييييييي

» قصص قصيرة و رائعة